Tui despide o Entroido co Enterro do Bacallau

Espérase que máis dun milleiro de persoas participen activamente nunha festa que conta con gran tradición na cidade. Máis aló das persoas integrantes das doce comparsas que o martes participaron no desfile-concurso, son moitas outras as que neste día completamente vestidos de loito se suman á comitiva para acompañar ao bacallau.
Son xa moitos os que dende primeira hora da mañá comezan a festa nas rúas de Tui, e participan en xantares protagonizados por pratos de bacallau.