Sen pasar pola Comisión bilateral Estado-Xunta previamente e como xa advertira no verán, o Goberno de España en funcións leva ao Tribunal Constitucional a Lei galega do Litoral por considerar que o seu texto é inconstitucional.
A ministra en funcións de Política Territorial, Isabel Rodríguez, explicou este martes que o Goberno entende que invade competencias exclusivas do Executivo central e que asume funcións que non están recollidas no Estatuto de Autonomía de Galicia.