Dende o Concello do Porriño informamos á cidadanía de que os días 9 e 10 de setembro, para facilitar os desprazamentos ao Negrita Music Festival, activaranse servizos especiais de autobús entre O Porriño e Vigo.
Os usuarios contarán con servizos de ida e volta. Reforzaranse os servizos Vigo- O Porriño a partir das 15 h nas expedicións actuais cun autobús a maiores en cada unha. A saída será dende a estación intermodal de Vigo.
No caso do traxecto de volta, Porriño-Vigo, a demanda prevese a partir das 24 h, polo que se dispoñerá un autobús para completar o traxecto dende a Avenida de Galicia no Porriño ata a Praza de España en Vigo ás 24 h, 1h, 2h e 3h.
Estes servizos especiais actívanse para facilitar mellores alternativas de viaxe en transporte público, de xeito que se reduzan os riscos da condución noturna despois de xornadas de lecer e se diminúa o tráfico.
Os menores de 21 anos poderán viaxar gratis empregando a tarxeta Xente Nova, ao igual que fan en todos os autobuses da Xunta e os demais usuarios do transporte público poderán beneficiarse dos descontos da tarxeta TMG.
