jueves, marzo 28, 2024
InicioComarcasLouriñaArrancan as obras no Camiño da Laxe en Petelos

Arrancan as obras no Camiño da Laxe en Petelos

A actuación supón unha importante mellora da seguridade viaria

O Concello de Mos está a acometer con fondos propios unha importante obra de mellora da seguridade viaria por importe de preto de 50.000 euros no Camiño da Laxe, parroquia de Petelos. Un vial que se caracteriza por ter tramos moi estreitos que non ofrecen un itinerario peonil seguro, que quedará solucionado tras a finalización da obra.

No Camiño da Laxe hai unha gran afluencia de tráfico debido a que é o vial de acceso ao edificio do Concello dende a parroquia de Petelos. É por elo que a administración local mosense decidiu mellorar a seguridade do vial e humanizar a contorna con, entre outras actuacións, a instalación de iluminación adecuada.

Mediante a realización dos traballos que acaban de ser iniciados fai poucos días, aumentará o ancho do vial ata 4,00 metros dende o punto medio do actual. E a actuación compleméntase coa execución dun muro de contención de 6 metros de alto, que é a parte da obra que xustamente se está a acometer nestes intres.

As obras de “Mellora da seguridade viaria no Camiño Laxe”, supoñen as seguintes actuacións: actuacións previas, estruturas, execución de firmes e pavimentos, sinalización, balizamento e defensas, servizos afectados, e reposicións.

O importe exacto da mellora ascende a 48.046,00 euros.

ARTIGOS RELACIONADOS

+ POPULAR

COMENTARIOS RECENTES