O Goberno descarta retomar a búsqueda dos cadáveres dos doce tripulantes da Vila de Pitanxo que non puideron ser localizados tras o naufraxio. "Non é posible", indicou o delegado do Goberno, José Miñones, tras reunirse este xoves en Pontevedra coas familias.

O Goberno, segundo explicou Miñones, contemplara diferentes alternativas para recuperar os corpos dos mariñeiros: reflotar o buque, afundido preto das costas de Terranova (Canadá); que os mergulladores baixasen ao pesqueiro, ou mesmo entrar no barco cun robot non tripulado. Pero tras estudar todas as opcións, os especialistas concluíron que é "inviable", segundo explicou o director xeral da Mariña Mercante, Benito Núñez, que tamén participou na reunión cos familiares.

Desacougo para os familiares das 21 vítimas mortais, e sobre todo dos 12 tripulantes desaparecidos: "Dixéronnos que non ían facer absolutamente nada", lamentou ante a prensa Kevin González.

No naufraxio da Vila de Pitanxo, ocorrido o 15 de febreiro en Terranova, morreron 21 dos seus 24 tripulantes. Soamente sobreviviron o patrón, Juan Padín; o seu sobriño e mariñeiro, Eduardo Rial, e o tamén mariñeiro Samuel Koufie. Padín e Koufie ofreceron ás investigadores versións opostas sobre as circunstancias do naufraxio, que están sobre a mesa da Audiencia Nacional. Con todo, a Fiscalía inclínase por que a causa se derive aos xulgados de Marín, ao considerar que son quen teñen a competencia para investigar se houbo responsabilidade penais por parte do patrón ou da armadora.

¿E ti, es de Tweet?