Un aparatoso accidente de tráfico rexistrado este luns, 31 de agosto, na estrada N-120 á altura de Nogueira de Ramuín mobilizou a un numeroso operativo de emerxencia despois de que un tráiler cargado de gando volcase nunha curva e quedase moi próximo ao leito do río Miño, que discorre paralelo á vía nese tramo ourensano. O suceso tivo lugar arredor das sete e vinte da mañá no quilómetro 553, nunha zona situada entre Ourense e Monforte —concretamente en A Carballeira— cando o camión circulaba en dirección á capital ourensana.
Un particular foi o encargado de dar a voz de alarma ao servizo do 112 Galicia. De xeito inmediato activouse un dispositivo que desprazou ata o lugar a varias patrullas da Garda Civil, efectivos dos bombeiros do parque de San Cibrao, operarios do GES de Pereiro de Aguiar e sanitarios do 061. Á chegada dos equipos de asistencia, o conductor do vehículo —un veciño de Ourense de 26 anos de idade— xa lograra saír do habitáculo pola súa propia conta, manifestando que se encontraba mareado.
Horas de traballo na auga e gando nas vías do tren
O camión transportaba uns 180 cerdos, e o impacto do accidente provocou que varios exemplares caixesen directamente á auga. Ante esta situación, os efectivos desprazados traballaron durante horas para xestionar a recuperación dos animais. Entre as tarefas máis complexas destacou a intervención dos bombeiros do parque de San Cibrao, que se introduciron no río a bordo dunha lancha zódiac co obxectivo de rescatar aos animais que permanecían con vida e recuperar os corpos dos que resultaron mortos afogados. A situación complicouse aínda máis cando algúns dos exemplares conseguiron cruzar a nado ata a outra beira do Miño, chegando a acadar as vías do tren.
Os equipos de emerxencia recolleron entre 80 e 90 animais mortos. Estes des POUSOS cárnicos foron cargados posteriormente para o seu traslado e xestión a través da empresa Cesuga, adicada ao tratamento deste tipo de residuos.
Afectación ao tráfico e restricións na N-120
O operativo de retirada e limpeza prolongouse durante gran parte da xornada. Ao fío da una da tarde, o tráiler continuaba volcado na marxe da calzada mentres se agardaba pola chegada dun guindastre de grandes dimensións capaz de izar o vehículo pesado e retiralo do arcén.
Esta circunstancia mantivo un carril da estrada cortado ao tráfico, regulándose a circulación mediante un semáforo provisional e limitando o paso de vehículos pesados e autobuses. Tras unha xornada de restricións que se mantivo ata última hora da tarde, a circulación na N-120 quedou completamente restablecida ás 21:25 horas, aínda que no punto exacto do sinistro mantense unha limitación específica de velocidade a 40 quilómetros por hora sinalizada para garantir a seguridade viaria.
