Salvaterra de Miño prepárase para acoller as súas tradicionais Festas do Cristo da Victoria, festividade marcada no calendario salvaterrense, e que se celebrarán os días 13, 14 e 15 de xuño.
Así, o Concello de Salvaterra vén de anunciar a axenda pensada para estas datas. A programación dará comezo na noite do sábado 13 de xuño, coa actuación do grupo “La Supersonic” e DJ Luis Lobato, a partir das 22:00 horas.
O día grande das festas celebrarase o domingo. Deste xeito, ás 12:30 horas celebrarase a Misa Solemne e procesión e ao remate o concerto da Banda de Gaitas e do Grupo de Baile Pontenova.
Xa pola noite, a festa comezará coa actuación da Banda de Música de Salvaterra ás 20:30 horas e continuará coa orquesta Kubo.
A programación rematará o luns 15 de xuño, coa última verbena que estará amenizada pola orquesta “El Combo Dominicano”.
![Pinterest](https://pinterest.com/pin/create/button/?url=https://www.siradio.gal/2026/04/24/o-combo-dominicano-pechara-a-programacion-das-festas-do-cristo-de-salvaterra/&media=https://www.siradio.gal/wp-content/uploads/2026/04/23-04-26_Presentacion-Festa-do-Cristo-2026-scaled.jpg&description=A programación rematará o luns 15 de xuño, coa última verbena que estará amenizada pola orquesta "El Combo Dominicano".){kind=link}