A Eurocidade Cerveira-Tomiño orzaniza a II BTT Transibérico 2025 coa intención de «atravesar fronteiras a golpe de pedal para descubrir un territorio único».
O evento, promovido pola Eurocidade Cerveira- Tomiño en colaboración coa asociación Pedal’Arte de Vila Nova de Cerveira e a Colibrí ACDR de Tomiño, celebrarase o vindeiro 19 de outubro cun percorrido inmersivo que convida a explorar o mellor da contorna.
O paseo, de carácter non competitivo, ofrecerá ás e aos participantes unha experiencia de auténtica descuberta: camiños forestais e rurais que conectan natureza, patrimonio, tradicións e gastronomía local. A saída terá lugar na Praza do Seixo de Tomiño, ás 08.30 h (PT) / 09.30 h (GA), cun itinerario guiado exclusivamente por tecnoloxía GPS, que permitirá a cada ciclista percorrer a ruta con total autonomía.
Máis alá da práctica deportiva, o BTT Transibérico 2025 busca «dinamizar o comercio e
a hostalería locais, promovendo paradas en espazos culturais, negocios, restaurantes e producións agrícolas da Eurocidade».
A organización ofrecerá dorsal, seguro, avituallamento líquido e sólido, reforzo e servizo de duchas ao final da xornada. As inscricións están xa abertas, de forma individual ou en grupo, e poderán realizarse ata o 17 de outubro.
![Pinterest](https://pinterest.com/pin/create/button/?url=https://www.siradio.gal/2025/09/16/unha-ruta-en-bicicleta-para-descubrir-fronteiras-co-ii-btt-transiberico-2025/&media=https://www.siradio.gal/wp-content/uploads/2025/09/FB_BTT_25.png&description=A actividade busca "dinamizar o comercio e a hostalería locais, promovendo paradas en espazos culturais, negocios ou restaurantes".){kind=link}