A cantautora Vanesa Martín actuará o xoves 31 de xullo, a partir das 22:00 horas, no Auditorio ao aire libre de Castrelos, en Vigo, dentro da programación dos concertos do verán en Vigo. Un concerto no que a artista interpretará moitos dos seus temas máis escoitados nas plataformas dixitais como «Objetos perdidos», «Complicidad» o «inventas», entre outros.
Neste contexto, o Concello de Vigo habilitará a venda de entradas a próximo martes 22 de xullo. Estarán dispoñibles as 5.000 reservas para acceder á platea, que se poderán conseguir tanto de forma presencial como en liña.
As reservas para asistir ao concerto de Vanesa Martín desde a platea do Auditorio de Castrelos poderán realizarse en dúas quendas diferenciadas o martes 22 de xullo: unha de mañá, de 09:00 a 14:00 horas, e outra de tarde, de 16:00 a 21:00 horas. En cada quenda estarán dispoñibles 2.000 reservas para adquirir de forma presencial no despacho de billetes do propio auditorio, e 500 máis, en cada quenda, a través da páxina web do Concello, sumando un total de 5.000 prazas dispoñibles para esta cita musical.
Máis concertos en Castrelos
Os próximos concertos que terán lugar no auditorio municipal ao aire libre de Castrelos, en Vigo, será o do artista internacional Jason Derulo o próximo 3 de agosto ou o de India Martínez o 16 de agosto, entre outros. Ata o de agora, por este escenario da cidade olívica xa pasaron artistas co cartel de «entradas esgotadas» como é Trueno o The Black Keys. Este xoves actúa Gente de Zona, tamén sen entradas dispoñibles.
