Desde esta mañá, a bandeira azul xa ondea na praia da Area Grande e na praia do Muíño. Este recoñecemento outórgao a ADEAC, Asociación de Educación Ambiental e do Consumidor, ás praias que cumpren con altos estándares de calidade ambiental, seguridade e servizos.
Estas praias levan anos sendo recoñecidas pola súa calidade, ademais da súa localización privilexia no océano Atlántico e na desembocadura do río Miño, respectivamente.
Ademais, os dous areais contan desde comezos deste mes de xullo co servizo de socorrismo. O equipo de socorritas, formado por seis integrantes, estarán ata principios de setembro vixiando as praia en horario de 12:00 a 20:00 horas.
“Estamos moi contentos de ter este recoñecemento de bandeira azul, pero sobre todo deste ano poder ofrecer á cidadanía un servizo de socorrismo completo, sabendo da dificultade que supón atopar persoal cualificado para estes postos tan importantes durante o verán”, declarou o alcalde, Roberto Carrero.
