Apróximase a noite máis máxica e curta do ano, a noite de San Xoán. Moitos concellos e asociacións comezan a preparar todo o preciso para esta noite meiga. Sardiñas, música, auga do mar… cada zona víveo á súa maneira.
Estas son algunhas das propostas:
Redondela vivirá o San Xoán en Cesantes. A festa dará comezo ás 20:30h no ‘Murallón’ e haberá comida e bebida a prezos populares.
Tamñen haberá música e animación.
Na parroquia de Bembrive, en Vigo, haberá sardiñada e foliada a partir das 20:00h.
Ademais, invitan a que cada asistente leve o seu instrumento.
Ponteareas acollerá a XX Fogueira de San Xoán organizada pola Asociación Toma Castaña.
A fogueira dará comezo ás 21:00h con actuación musical.
A parroquia de Taboexa, no Concello de As Neves, ofrece unha xornada con sardiñas e churrasco. Ademais, o viño será gratis.
A festa dará comezo ás 22:00h.
Salvaterra de Miño acollerá a súa tradicional fogueira de San Xoán. Pan, viño e sardiñas por tres euros.
A gran fogueira será prendida ás 00:00h.
O Concello do Porriño acollerá oito fogueiras realizadas por diferentes asociacións da vila, espalladas por todo o municipio. Ubicación no seguinte mapa:
A Asociación de Veciños Caselas, en Salceda de Caselas, organiza unha festa de San Xoán que dará comezo ás 17:00h.
Tamén haberá DJ amenizando a xornada.
Ao longo do Concello de Mos, son varias as asociacións que esta noite prenderán o lume nas súas fogueiras, acompañadas de música, sardiñas e viño. Información completa nos seguintes carteis:
En Tui, tamén se poden atopar diversas fogueiras ao longo do seu territorio:
