O Concello de Mos ofrece unha alternativa para paliar as altas temperaturas que Meteogalicia predice para esta fin de semana na comunidade. De feito, no municipio da Louriña haberá «temperaturas altas para esta época do ano» aínda que os valores «se atoparán globalmente en descenso moderado».
Así, as temperaturas subirán ata os 28 graos o sábado 31 de maio con mínimas de 14 graos. Precisamente, este é o día no que o Concello abrirá os parques de auga que se localizan en Pesqueira e Sanguiñeda.
Horarios dos parques de auga de Mos
A auga aliviará as altas temperaturas aos veciños e as veciñas de Mos todos os días, desde este sábado 31 de maio, en horario tanto de mañá como de tarde. Os chorros comezarán a refrescar desde as 12:00 horas e ata as 14:00 horas e, xa pola tarde, a partir das 16:00 horas e ata as 21:00 horas.
