A Comisión de Festas de Fornelos 2025 organiza, para o vindeiro sábado 14 de xuño, unha andaina divertida titulada ‘A busca do Ghamusino‘, con actividades para todos os públicos.
A ruta, de percorrido circular, terá 6 quilómetros de distancia e dará comezo na pista de futbito de Cimadevila, en Fornelos da Ribeira, parroquia de Salvaterra de Miño. Ao longo do percorrido haberá 5 probas divertidas. A saída do primeiro grupo terá lugar ás 21:00h e é preciso levar chaleco reflector e lanterna.
Ao remate, haberá baños e duchas a disposición dos participantes, así como cantina con bocadillos quentes e refrescos. Tamén haberá chocolate gratis para os asistentes.
É preciso inscribirse previamente para participar na andaina nos teléfonos 638 717 587 (Sita), 692 288 633 (Pili) ou no 619 643 976 (Valeria). A data límite é o 12 de xuño.
