Alberto Núñez Feijoo deu este mércores por iniciada a conta atrás para desaloxar a Pedro Sánchez da Moncloa, reclamando o “maior castigo electoral” contra o actual executivo ante o que cualificou como un tsunami de escándalos de corrupción. Durante o seu balance de fin de curso antes do parón verán, o líder do Partido Popular criticou a xestión do Goberno e advertiu que, cando chegue ao poder, non fará un relevo ordinario, senón unha “limpeza a fondo” para devolver a decencia ás institucións públicas.
Durante a súa intervención ante os medios, Feijoo sinalou directamente ao expresidente do Goberno José Luis Zapatero a raíz da investigación xudicial sobre o préstamo público á aerolínea Plus Ultra. Tal e como afirmou, o sanchismo depende de quen “empieze a cantar” tras as testemuñas prestadas na Audiencia Nacional, reprochando que o executivo facilitara xestións e decisións que permitiron o cobro de comisións.
Modificación do Código Civil
No ámbito lexislativo, o presidente do PP anunciou que a súa formación está a estudar unha modificación do Código Civil orientada á nacionalidade española. Segundo subliñou, a normativa non debe “regalar pasaportes” e estes deben merecerse, anunciando que se analizan todas as vías xurídicas fronte á actual lei de nietos para asegurar que a concesión se limite estritamente a quen dispoña dun dereito real.
