Tui é protagonista da serie documental “Caminos de Sefarad, diario dunha ciclista II” que se estrea este domingo, 6 de outubro, ás 12.00 horas en La2 de TVE. A xornalista especializada en ciclismo Ainara Hernando é a encarga de conducir este programa no que viaxa por toda a península. Neste percorrido amosa a riqueza que os municipios teñen nos seus conxuntos medievais, cun patrimonio histórico, artístico, medioambiental e cultural, herdanza das comunidades sefardís que os habitaron. O episodio de Tui emitirase o domingo 13 de outubro.
A golpe de pedal, Ainara Hernando, mergúllase na antiga Sefarad gozando da súa herdanza cos cincos sentidos nos municipios con legado serfardí. Estos espazos están repletos de historia, tanto a nivel monumental, coma gastronómico, cultura, artísticos e das súas xentes. “Caminos de Sefarad, diario dunha ciclista II”, está producida por Surf Channel e dirixida por Salva Ruíz. Ademais, consta de trece capítulos cheos de historia que serven coma guía turísticas de rutas a descubrir e dunha proposta didáctica para coñecer o legado e a cultura sefardí.
En Tui estiveron gravando en outubro de 2023. Aquí Ainara Hernando, xunto a Manuel Guerreiro da empresa Tamuxe Kayak, percorreu o río Miño en piragua. Tamén estivo na Catedral da man do historiador Suso Vila para coñecer a menorá gravada no claustro. Ademais dos Sambenitose outros elementos ligados á presenza xudía e criptoxudía na cidade.