O alcalde deulles a benvida ás nenas e aos nenos que visitan este verán Ourense acollidos por familias da cidade baixo o programa “Vacacións en Paz”
“Vacacións en Paz” é unha iniciativa realizada por SOGAPS (Solidariedade Galega co Pobo Saharaui) en Galicia dende 1991. O programa busca traer a nenos e nenas saharauis, procedentes dos campamentos de refuxiados saharauis en Arxelia, para que pasen dous meses de verán acollidos por familias galegas.
Concellos como Mos ou Ponteareas, entre moitos outros, recibiron cos brazos abertos a rapaces e rapazas saharauis para que desfrutasen da época estival en Galicia. Desta forma, moitos dos Concellos que apoiaron esta iniciativa decidiron recibir nas casas consistoriais aos pequenos que chegaron ao seu municipio.
Esta vez foi a quenda do alcalde de Ourense, Gonzalo Pérez Jácome, que recibiu no día de onte no Concello as nenas e nenos saharauís que desfrutan dunha estadía de verán na cidade, acollidos por familias ourensás, no marco de “Vacacións en Paz”. Son, en total, 28 nenos e nenas procedentes dos campamentos de refuxiados que estarán en Ourense até o día 4 de setembro.
O programa leva 32 desenvolvéndose na cidade de Ourense.
