Rueda explicou que a nova edición inclúe varias novidades. Unha das principais é que poderán recibir achegas tanto os establecementos turísticos de aloxamento “coma os de restauración: bares, cafetarías, restaurantes…”. Ademais, sufrágase a rehabilitación enerxética de todo o edificio ou dunha parte e non se pide antigüidade mínima dos edificios que se van rehabilitar. Tampouco hai unha exixencia mínima de aforro enerxético. Outras das novidades é que entre as accións subvencionables este ano inclúese a instalación de paneis fotovoltaicos para consumo propio e a renovación de electrodomésticos por outros máis eficientes.