Detidas tres persoas nunha peaxe da AP-9 cun quilo de haxix

Os axentes localizaron debaixo do asento do condutor unha bolsa de plástico que contiña no seu interior un paquete en cinta de embalar de cor marrón, cun peso aproximado dun quilo.
No seu interior hai dez placas dunha sustancia gomosa de cor marrón que desprendía un forte cheiro a haxix, cunha etiqueta e unha foto dunha planta de cannabis.
Debido ao nerviosismo dos ocupantes, solicitouse o apoio a varias patrullas e procederon á detención das tres persoas por un posible delito contra a saúde pública por tenencia de drogas.
Trátanse de tres varóns de 39, 22 e 42 anos, o último con antecedentes por tráfico de drogas, e con domicilios en Santiago, Ourense e Coruña.
Todos eles foron postos en liberdade en sede policial, e as dilixencias remitidas ao Xulgado de Garda de Caldas, onde comparecerán cando sexan citados para elo.