jueves, abril 18, 2024
InicioComarcasBaixo MiñoO PSOE e o BNG chegan a un acordo para desbloquear os...

O PSOE e o BNG chegan a un acordo para desbloquear os salarios do Goberno local

- Este acordo pon fin á situación de ausencia de salarios para os concelleiros do PSOE que forman parte do equipo de goberno

Tras unha serie de propostas e contrapropostas, ambas partes chegaron a un punto de encontro que finalmente deu lugar a un acordo.

O acordo, asinado polos máximos representantes de ambos grupos municipais, abrangue varios aspectos clave. Un dos logros máis notables é a asignación de salarios para os concelleiros do PSOE, o que sitúa os seus ingresos en liña cos dos gobernos municipais circundantes. Ademais, o PSOE comprometeuse a levar a cabo catro proxectos que orixinalmente formaban parte do programa electoral do BNG. Entre estes proxectos inclúese a transformación do edificio na rúa C.J. Cela na sede da Policía Local, así como a conversión do edificio Cam-Fran en espazos para asociacións e xóvenes, incluso coa posibilidade dun local de ensaio.

O acordo tamén inclúe a realización de dous estudos exhaustivos. O primeiro investigará a posibilidade de establecer liñas de transporte interparroquial conectando co centro da cidade. O segundo estudo explorará a viabilidade de unificar o bosque de Seoane coa Alameda de Santo Domingo, co obxectivo de crear un xardín botánico que enriquecería notablemente este fermoso espazo natural.

O BNG eloxiou este enfoque de negociar aspectos beneficiosos para a comunidade e o contorno, destacando que isto reflicte o seu compromiso co benestar xeral da cidadanía. Do mesmo xeito, instaron ao equipo de goberno a profundizar neste cambio de actitude e a abandonar de maneira definitiva posicións belixerantes e faltas de respecto que non contribúen a unhas relacións positivas entre os grupos políticos e que obstaculizan os proxectos de transformación necesarios para o municipio.

ARTIGOS RELACIONADOS

+ POPULAR

COMENTARIOS RECENTES