jueves, abril 18, 2024
InicioComarcasLouriñaO espectáculo "Maxia para soñar" estará este sábado no Porriño

O espectáculo «Maxia para soñar» estará este sábado no Porriño

- A Praza Arquitecto Antonio Palacios acolle este espectáculo do Mago Marco Pombo, ás 19.00 horas

O espectáculo “Maxia para soñar” do ilusionista Marco Pombo representarase no Porriño este sábado, 19 de agosto. Enmarcada no programa Cultura no Camiño 2023 da Xunta de Galicia, a función celebrarase na Praza Arquitecto Antonio Palacios ás 19.00 horas.

Trátase dun espectáculo para todos os públicos a través do cal o mago propón unha viaxe de soños envoltos nun misterio.

Marco Pombo é un ilusionista cunha ampla experiencia no mundo da animación e o espectáculo. Provén dunha familia cunha forte e enraizada tradición artística e desde moi novo demostrou moito interese nas artes escénicas, especialmente no teatro e o ilusionismo, pero foi nesta última onde realmente destacou. É membro da Sociedade Española de Ilusionismo (SEI). O seu obxectivo e proporcionar entretemento de alta calidade a través da maxia, o humor e a comunicación, sempre cunha constante participación do público, que entra así a formar parte do espectáculo.

ARTIGOS RELACIONADOS

+ POPULAR

COMENTARIOS RECENTES