miércoles, julio 17, 2024
InicioComarcasLouriñaPorriño inaugura un novo parque infantil

Porriño inaugura un novo parque infantil

A praza da Alameda contará cunha gran zona de xogos cunha tirolina de 21 metros

Os nenos e nenas do Porriño contarán cun nova zona de lecer con zona de xogo infantil na céntrica Avenida de Galicia. O alcalde, Alejandro Lorenzo, acompañado polo concelleiro de Vías e Obras, Ramón Porto, e a concelleira de Educación, Carolina González, visitou a praza da Alameda onde se están a rematar os traballos para a inminente apertura do novo parque infantil.
“Este espazo foi redeseñado para o desfrute dos cativos e cativas, aproveitando as obras de impermeabilización que tivemos que executar na parte baixa da praza acometemos a súa humanización total e acondicionámola como un espazo público pensado para eles”, explicou o alcalde. “A zona de xogo contará cunha gran tirolina de 21 m, varios columpios, un tobogán e varios balancíns, todo isto nunha contorna segura para os máis pequenos e pequenas”.
O espazo que ocupará a zona de xogos contará con céspede sintético e áreas de impacto con pavimento amortiguador onde se sitúen os elementos.
O proxecto conta cun orzamento de 135,868,67 euros financiado integramente a través do Convenio de colaboración asinado entre o Concello do Porriño e a Vicepresidencia Segunda e Consellería de Presidencia, Xustiza e Deportes da Xunta de Galicia. As obras inclúen tamén a reparación dunha gran fochanca que afectaba á calzada e beirarrúa.
Lorenzo destacou que “a mellora dos 30 parques infantís cos que conta o noso municipio e a creación de novos parques como o que imos inaugurar nos próximos días segue a ser unha prioridade para o noso goberno”. O rexedor recordou que “os recursos cos que contamos non nos permiten facer todo o que nos gustaría tan pronto como nos gustaría, pero temos xa preparados varios proxectos de mellora integral de varios parques do municipio, pendentes de dotación orzamentaria, que nos próximos meses poñeremos en marcha. Reitero o meu compromiso con facer deste pobo un lugar do que os nosos nenos e nenas se sintan orgullosos”.

ARTIGOS RELACIONADOS

+ POPULAR

COMENTARIOS RECENTES