A penas terá efectividade e é oportunista, segundo a conselleira de Vivenda, Ánxeles Vázquez, a limitación aprobada polo Goberno de subir os alugueiros un máximo do 2% nos próximos tres meses de abril, maio e xuño.
«Non vai ter efectividade porque está moi limitada no tempo; é oportunista e ineficaz porque é lineal, non fai unha valoración da situación que atravesa o propietario e o inquilino, e ademais é totalmente discriminatoria. Que ocorre cos alugueiros anteriores e posteriores?».
A xuízo da conselleira de Vivenda esta medida chega tarde. Ao seu xuízo, será contraproducente e xerará inseguridade xurídica entre os propietarios.
«Os efectos serán contraproducentes porque o que facemos é cargar a responsabilidade sobre o propietario do inmoble; vaise desvirtuar o mercado da vivenda creando inseguridade xurídica e provocará un descenso da oferta de alugueiro».
A conselleira da Vivenda afirma que descoñecen a letra pequena do plan, di que souberon del pola prensa.
