viernes, marzo 29, 2024
InicioComarcasLouriñaUnha escultura de vidro reciclado homenaxea a Óscar Pereiro

Unha escultura de vidro reciclado homenaxea a Óscar Pereiro

Pesa 500 quilos e é a primeira de España de vidro reciclado, en recoñecemento ao deportista pola súa traxectoria profesional e o seu labor en defensa da sustentabilidade

Ecovidrio, a entidade sen ánimo de lucro encargada da xestión da reciclaxe dos residuos de envases de vidro en España e o Concello de Mos renden homenaxe ao seu veciño natal Óscar Pereiro, exciclista e campión do Tour de Francia en 2006
En colaboración coas autoridades locais, Mos acolle unha escultura do deportista, realizada con vidro reciclado por Ecovidrio, para recoñecer o compromiso de Óscar Pereiro co ciclismo e a promoción da reciclaxe como hábito exemplar para o coidado do medioambiente.
No acto de inauguración desta escultura, situada á beira do Edificio Multiusos das Pozas, participaron familiares, amigos e veciños da localidade así como diferentes autoridades institucionais e deportivas do ciclismo español e galego.

Escoita aquí as intervencións:

Unha homenaxe que simboliza os méritos deportivos do exciclista mosense e o seu activismo para promover a sustentabilidade no deporte como embaixador de Ecovidrio e La Vuelta por sexto ano consecutivo.
A alcaldesa de Mos, Nidia Arévalo, destacou que “para Mos é un orgullo acoller a edición máis sostible da historia de La Vuelta e facelo xunto a un dos nosos veciños máis ilustres. Esta escultura lembraranos sempre que o compromiso de cada un dos nosos veciños, tal e como demostrou o exemplo de Óscar, é fundamental para preservar a riqueza da nosa terra, todo un paraíso natural que queremos que sigan gozando as xeracións vindeiras”.
Pola súa banda, a delegada territorial da Xunta en Vigo, Marta Fdez-Tapias encomiou o compromiso de Óscar Pereiro co medio ambiente, “o seu labor como embaixador de La Vuelta Sostible e a súa aposta pola reciclaxe que permitiu levar a mensaxe da sustentabilidade a todos os afeccionados e afianzar aínda máis o compromiso dos ciclistas co medio ambiente”.
Borja Martiarena, director de Marketing de Ecovidrio, comentou “non se nos ocorre mellor forma de agradecer a Óscar o compromiso que demostrou durante máis de seis anos con Ecovidrio, a reciclaxe e o medioambiente que facelo no seu pobo natal. Óscar é un deportista excepcional e un compañeiro perfecto para difundir a mensaxe da sustentabilidade”.

Borja Martiarena:

Óscar Pereiro, embaixador de Ecovidrio e La Vuelta 21, sinalaba: “Todo o meu agradecemento á terra que me acompañou desde os meus inicios na carreira deportiva. Esta homenaxe quero dedicarlla a todos os profesionais que fan deste deporte unha referencia de competitividade, esixencia e compromiso, tanto co ciclismo como co medio ambiente. Da mesma maneira que os ciclistas percorren máis de 3.300 km en 21 etapas, se desde o deporte e desde a sociedade preservamos o noso compromiso co medio ambiente e a reciclaxe de vidro, todos alcanzaremos unha meta que é común: a saúde do planeta e a saúde das persoas”.

ARTIGOS RELACIONADOS

+ POPULAR

COMENTARIOS RECENTES