Sergio Fernández ía ser roubado en Naucalpan e quixo evitalo

foto sergio

Un xove veciño do Porriño pero afincado en México, Sergio Fernández, alcumado Race Horce (Cabalo de carreiras), morreu este martes dos disparos de dous atracadores que pretendían roubarlle o coche, segundo indicaron persoas próximas ao falecido. Sergio, culturista de profesión, era dono dun ximnasio na cidade de Naucalpan, o PopeyesGym onde adestraba a numerosas persoas, moitas a través de intenet, e era moi popular no mundo do culturismo.
O atraco produciuse precisamente ás portas do ximnasio onde traballaba, da colonia Las Huertas terceira sección, municipio de Naucalpan Edomexy. Aínda que moitos detalles non transcenderon, dúas persoas armadas tentaron roubar o seu coche ao que quixo opoñerse polo que lle dispararon ocasionándolle a morte. Non consta que existan detidos por estes feitos. A rexión é unha das zonas convulsas de México con atracos e mortes a diario.
Sergio de 39 anos era unha persoa moi querida no Porriño onde máis novo rexentou o pub “A cova dos tranos”e levaba sempre a cruz na procesión do Cristo, xa que era crente.
Tras vivir en Finlandia e Dubai trasladouse a México, onde vivía en parella cun fillo.

¿E ti, es de Tweet?