viernes, marzo 29, 2024
InicioComarcasLouriña400 alumnos e alumnas do Porriño participan na "quedada literaria" do parque...

400 alumnos e alumnas do Porriño participan na «quedada literaria» do parque Alba

Once centros educativos participaron nesta actividade organizada polas bibliotecas en colaboración co Concello do Porriño.

Arredor de 400 alumnos e alumnas de once centros educativos do Porriño participaron na primeira edición da Quedada Literaria organizada polas bibliotecas dos centros participantes en colaboración coa Concellería de Educación e a OMIX. 

O alcalde do Porriño, Alejandro Lorenzo, e a concelleira de Educación, Carolina González, achegáronse a compartir con todos eles a xornada e animáronos a disfrutar da lectura nunha contorna tan especial como este parque e, sobre todo, da experiencia compartida co resto de nenos e nenas do Porriño. “Sacar a biblioteca á rúa e abrila a espacios onde poidan disfrutala xuntos axuda a mellorar a experiencia da lectura. Ler xuntos é máis divertido”, afirmou o rexedor. 

Os cativos e as cativas distribuíronse en varios grupos ao longo do parque e disfrutaron da lectura individual, dunha lectura compartida, de recomendacións e, como non, tamén dunha merenda conxunta. O grupo Migallas puxo o broche final a esta xuntanza literaria.

ARTIGOS RELACIONADOS

+ POPULAR

COMENTARIOS RECENTES