O calvario de trepar un muro de 4 metros para entrar na casa

A veciña de Tomiño Rosa Pereira emprega unha escaleira para saltar unha tapia de 4 metros para poder entrar na súa propiedade.

Fai 5 meses que a tomiñesa Rosa Pereira denunciou diante dos micros de Sí Radio a súa historia. O único acceso a súa vivenda que lle recoñecía concentración parcelaria pasaba por trepar un muro de 7 metros (4 metros de pedra e outros 3 de rede).

Por aquel entón a súa veciña deixáballe empregar un carreiro da súa propiedade para entrar en casa, pero esa concesión tiña data de caducidade: 6 meses. Fai uns días ese prazo rematou, a veciña pechou o carreiro cunha alambrada, e Rosa quedou definitivamente sen acceso a súa vivenda.

“O prazo cumpríase o 23 de xuño, e como ese día non me pechou, pensei que xa non o faría”, explica Rosa, que, para a súa sorpresa, o xoves pasado saíu de casa e, ao volver, xa non tiña maneira de entrar. “Fun a un enterro moi próximo a min, e cando volvín xa pecharan o camiño cunha rede”, recorda Rosa, que vive con dúas persoas maiores de 90 anos e dependentes, que quedaron completamente incomunicadas e sen axuda social porque as auxiliares non poden acceder á casa.

Tras anos de loita, por fin concentración parcelaria acordou executar un acceso á vivenda de Rosa, pero non especifica unha data concreta, polo que se descoñece durante canto tempo esta veciña de Tomiño terá que empregar una escaleira para entrar na casa.

O calvario de trepar un muro de 4 metros para entrar na casa

O calvario de trepar un muro de 4 metros para entrar na casa

A veciña de Tomiño Rosa Pereira emprega unha escaleira para saltar unha tapia de 4 metros para poder entrar na súa propiedade.

Fai 5 meses que a tomiñesa Rosa Pereira denunciou diante dos micros de Sí Radio a súa historia. O único acceso a súa vivenda que lle recoñecía concentración parcelaria pasaba por trepar un muro de 7 metros (4 metros de pedra e outros 3 de rede).

Por aquel entón a súa veciña deixáballe empregar un carreiro da súa propiedade para entrar en casa, pero esa concesión tiña data de caducidade: 6 meses. Fai uns días ese prazo rematou, a veciña pechou o carreiro cunha alambrada, e Rosa quedou definitivamente sen acceso a súa vivenda.

“O prazo cumpríase o 23 de xuño, e como ese día non me pechou, pensei que xa non o faría”, explica Rosa, que, para a súa sorpresa, o xoves pasado saíu de casa e, ao volver, xa non tiña maneira de entrar. “Fun a un enterro moi próximo a min, e cando volvín xa pecharan o camiño cunha rede”, recorda Rosa, que vive con dúas persoas maiores de 90 anos e dependentes, que quedaron completamente incomunicadas e sen axuda social porque as auxiliares non poden acceder á casa.

Tras anos de loita, por fin concentración parcelaria acordou executar un acceso á vivenda de Rosa, pero non especifica unha data concreta, polo que se descoñece durante canto tempo esta veciña de Tomiño terá que empregar una escaleira para entrar na casa.

¿E ti, es de Tweet?

O que máis leeron