Cinco axentes da Policía Foral Navarra, que viaxaban nunha furgoneta, morreron este mércores nun accidente na autoestrada AP-8, á altura de Elgoibar (Guipúscoa), tras chocar o seu vehículo contra un camión cisterna, segundo informou o Departamento vasco de Seguridade.
O sinistro produciuse sobre as 9:15 horas por causas que se ata o de agora se descoñecen. O condutor do camión resultou ferido e foi trasladado a un centro hospitalario. Como consecuencia do impacto, os cinco ocupantes da furgoneta faleceron, segundo certificaron os servizos sanitarios desprazados ao lugar.
Tras o accidente, a autoestrada quedou totalmente cortada ao tráfico e xeráronse importantes retencións na zona, onde a circulación está a ser desviada pola AP-1.
A Ertzaintza puxo en marcha unha investigación para esclarecer as circunstancias do accidente.
