Coa chegada, momentánea, do bo tempo a Galicia, a comunidade prepárase para iniciar a ruta dos seus Trens Turísticos da man de Renfe. Trátase dun dos plans de ocio máis demandados na zona, unha actividade que combina historia, paisaxe e o propio ferrocarril.
En concreto, Turismo de Galicia ofrece en colaboración con Renfe 13 roteiros cos que se pode coñecer Galicia dunha forma especial: en tren. As viaxes inclúen guía, que ademiais de presentar os propios sitios a visitar, encárgase de ofrecer unha explicación sobre a historia do ferrocarril en Galicia.
Os billetes para a primeira ruta, que serán o 7 e o 21 de marzo, xa están á venda. En concreto, esta primeira ruta é a “Ruta da Camelia en Flor”.
As rutas teñen un custe de 50 euros por adulto, 25 euros para os menores de 14 anos e de balde para nenos menores de 4 anos. Os billetes pódense mercar nas billeteiras ou na web de Renfe.
Unha volta a Galicia: Así son as 13 rutas
As rutas dispoñibles para esta nova edición do 2026 son as seguintes, e á venda de billetes estará dispoñible próximamente.
- Tren da Ruta dos Faros: Con saídas o 6 e 20 de xuño, 4 e 18 de xullo, 29 de agosto e 26 de setembro
- Tren da Ribeira Sacra (Rio Sil): Con saídas o 6 e 27 de xuño, 11 de xullo, 1 e 22 de agosto e 12 de setembro
- Tren da Ribeira Sacra (Rio Miño): Con saídas o 13 de xuño, e o 5 e 26 de setembro
- Tren da Ruta dos Mosteiros: Con saídas o 20 de xuño e o 25 de xullo
- Tren de Valdeorras – Ribeira Sacra: Con saídas o 4 de xullo e o 19 de setembro
- Tren do Viño Rías Baixas: Con saídas o 11 de xullo e o 12 de setembro
- Tren do Viño Ribeiro / Rías Baixas: Con saída o 18 de julio
- Tren da Ruta das Mariñas: Con saídas o 1 de agosto o 5 de setembro
- Tren do Viño Monterrei: Con saídas o 8 e o 29 de agosto
- Tren dos Pazos e Xardíns Históricos de Galicia: Con saídas o 8 de agosto e o 19 de setembro
- Tren Experiencia MEGA (Museo Estrella Galicia) e A Coruña de 1906: Con saída o 15 de agosto
- Tren da Ruta dos Queixos de Galicia: Con saídas o 22 de agosto e 3 de outubro
