Meteogalicia alerta para este mesmo xoves 8 de maio dun aviso amarelo por choivas na zona interior da Coruña, interior de Pontevedra, as zonas do Miño de Pontevedra e Ourense, e sur de Lugo e Ourense. Para mañá, venres 9 de maio súmanse a este aviso as zonas do centro de Lugo e a totalidade da provincia de Ourense.
O aviso está previsto dende as 12:00h deste xoves 8 de maio ata as 23:59 do venres 9 de maio.
A maiores, prevense ceos con nubles e claros nas próximas datas para a comarca do Condado, con precipitacións que poderán ser treboentas o venres pola mañá.
En canto ás temperaturas, serán normais para este período, con mínimas que se manterán sen cambios e máximas que descenderán moderadamente. Agárdanse temperaturas máximas en torno aos 20º e mínimas de 10º.
