A dirección socialista resolveu o arquivo da denuncia presentada o pasado decembro polas exconcelleiras Eva Martínez Acón e Esther Fontán contra a alcaldesa da Coruña, Inés Rey, e o portavoc municipal, José Manuel Lage, por un suposto acoso laboral durante o anterior mandato. Tal e como informou a formación trala investigación interna, a instructora do expediente decidiu non abrir ningún procedemento sancionador contra os dirixentes coruñeses tras examinar as probas documentais e as declaracións das partes implicadas.
A denuncia das exedil tramitouse a través do canal interno do partido e estivo marcada pola análise de diferentes elementos probatorios. No caso de Martínez Acón, a instrutora descartou ter en conta tres audios do ano 2020 debido ás serias dúbidas sobre a súa obtención e falta de contexto, mentres que para valorar a acusación de Fontán se examinaron mensaxes de WhatsApp entre a exconcelleira e a rexidora, concluíndo finalmente o peche do caso sen consecuencias disciplinarias para os denunciados.
