A primeira fin de semana do mes de maio chega cargada de actividades para todos os públicos. Tres días de música, deporte e artesanía para desfrutar na área metropolitana de Vigo e as súas comarcas do 2 ao 4 de maio de 2025.
Venres 2 de maio
Baiona acolle unha exposición de modelismo naval no edificio da Antiga Comandancia.
A mostra está organizada por Amonaga e o Concello de Baiona e estará aberta durante toda a fin de semana en horario de 10:30h a 13:00h e de 16;00h a 19:00h.
Sábado 3 de maio
Unha ruta guiada de pouco máis de 4 quilómetros percorrerá Salvaterra de Miño, con entrada no Museo da Ciencia do Viño e no Espazo Lúdico Termal de Teáns incluída.
É preciso inscrición previa.
Tamén en Salvaterra, terá lugar a Ruta das Bodegas de Arantei.
O prezo é de 20€ e é preciso inscrición previa.
Tomiño acollerá o concerto de Terapia de Grupo, interpretado en lingua de signos.
O concerto dará comezo ás 21:00h no Auditorio de Goián.
O Concello do Rosal xunto a asociación Cravos e Rosas organizan unha mesa redonda denominada «O eterno retorno. Oportunidades e obstáculos para o século XXI«.
O encontro terá lugar en Baixos da Liga de Amigos.
O Porriño, Mos e Ponteareas celebrarán a IX Edición do Challenge As Rías Baixas durante as xornadas do sábado e domingo.
A saída está prevista para as 10:30h do Pazo de Mos.
Covelo acollerá a celebración da Feira de Artesanía e Segunda Man na Praza Mestre Cerviño.
Dará comezo ás 10:00h.
Domingo 4 de maio
Nigrán continúa coa programación de Vermú de Barrio coa actuación do grupo Groovin Folks.
O concerto terá lugar ás 12:30h na Praza do Concello.
Salceda de Caselas acollerá a XII Edición da CorrexSalceda.
A saída da categoría absoluta está prevista para as 10:30h.
