domingo, mayo 19, 2024
InicioNewsActualidadeA campaña de verán da Xunta de Galicia presenta un campo de...

A campaña de verán da Xunta de Galicia presenta un campo de voluntariado nas Gándaras de Budiño

Conta con 20 prazas para participantes de 18 a 30 anos e desenvolverase entre o 23 de xullo e o 3 de agosto.

O proceso de inscrición está xa aberto na páxina web de Xuventude: www.xuventude.xunta.es

A Dirección Xeral de Xuventude, Participación e Voluntariado da Xunta de Galicia presentou a Campaña de Verán 2024 “O teu mellor verán”, coa incorporación este ano do Campo de Voluntariado Internacional “Gándaras de Budiño”. Este proxecto é promovido polo Concello do Porriño a través da súa Concellería de Voluntariado (en colaboración coas de Cultura, Educación e Deportes) e a OMIX, e busca salientar a biodiversidade e o gran valor medioambiental das Gándaras de Budiño na comarca e en toda Galicia.


A Campaña de Verán 2024 ofrece diferentes actividades á mocidade de entre 9 e 30 anos, con máis de 11.500 prazas para campamentos en Galicia e noutras comunidades, minicampamentos “Coñece Galicia”, campos de voluntariado, oferta para entidades ou grupos xuvenís e novo programa para maiores de 18 anos.


O Campo de Voluntariado Internacional “Gándaras de Budiño” conta con 20 prazas para participantes de 18 a 30 anos, das cales 5 están reservadas para extranxeiros, e as 15 restantes para mozos/as de outras comunidades autónomas e do Porriño. Esta actividade terá lugar entre o 23 de xullo e o 3 de agosto.


Os participantes convivirán nas instalacións do CEIP Antonio Palacios durante eses 12 días, e farán labores de voluntariado polas mañás con accións encamiñadas á retirada de especies invasoras e ao coidado das especies autóctonas, así como á renovación da sinaléctica para promocionar a ruta que percorre o espazo. Polas tardes poderán disfrutar de diferentes actividades de lecer educativo e dinámicas de equipo organizadas pola cooperativa Avada (@avada.gal), como visitas a lugares emblemáticos do municipio e localidades cercanas, andainas, observación astronómica, noite de cine e distintos xogos, entre outras.

O concelleiro de Voluntariado, Antonio Barros, anima á mocidade a participar nesta “experiencia única para coñecer a nosa contorna e a importancia de cuidar o noso espazo natural, á vez que conviven con outros/as mozos/as procedentes doutras Comunidades Autónomas e países”.


O proceso de inscrición está xa aberto na páxina web de Xuventude: www.xuventude.xunta.es e a inscrición ten un custe de 110,00 € (82,50 € no caso de ter Carné Xove).

ARTIGOS RELACIONADOS

+ POPULAR

COMENTARIOS RECENTES