A Xunta de Galicia abre hoxe o prazo de solicitude das axudas á promoción do emprego autónomo publicadas no Diario Oficial de Galicia o pasado 9 de xaneiro. Dotadas con 28,9 millóns de euros, inclúese unha partida de 9,6 millóns de euros para financiar ao 100% a cota reducida dos novos autónomos durante os 12 primeiros meses de actividade.
Prevense apoios máximos de case 8.000 euros para as persoas desempregadas que inicien unha actividade como autónomas
As axudas incrementaranse no caso de que a iniciativa parta de mozos, parados de longa duración, mulleres ou galegos retornados, entre outros colectivos
