jueves, julio 18, 2024
InicioNewsComarcasPonteareas sobe ao nivel alto de restricións

Ponteareas sobe ao nivel alto de restricións

O Subcomité Clínico vén de aumentar o nivel de restricións en Ponteareas: consumo só nas terrazas e ao 50%

A partir do luns 26 de abril, rexerán en Ponteareas as medidas do nivel alto de restricións. Isto implica que, ao inicio da semana que vén, non estará permitido o consumo no interior dos locais da hostalería do municpio e redúcese o aforamento nas terrazas ata a metade da capacidade, ao 50%. Este concello do Condado presenta a incidencia máis alta das comarcas con máis de 125 contaxios por 100.000 habitantes con 35 casos novos nunha semana e 49 en dúas. Gondomar e Vigo seguen no nivel medio de restricións.

A mobilidade continúa sendo plena en toda a comunidade agás nas localidades que se sitúan no nivel máximo de restricións, que son Carballeda de Valdeorras, Cualedro, A Pobra do Caramiñal, O Grove, e Vilanova de Arousa. Destes municipios, non se pode nin entrar nin saír agás por causas xustificadas.

Xunto a Ponteareas, rexerán as medidas do nivel alto en Lobeira, Muiños, Petín, O Barco de Valdeorras, Meira, Ribeira, Cambre, Marín, Meis, Meaño e Ribadumia.

No nivel medio, sitúanse os concellos de Cartelle, Lobios, Cortegada, Padrenda, Verín, Chantada, Boiro, Rianxo, Carnota, Carral, Catoira, A Illa de Arousa, Cambados, Vilagarcía de Arousa, Poio, Trabada, Barreiros,Sanxenxo, Cangas, Gondomar, e Vigo. No resto de municipios galegos, estarán vixentes as estricións fixadas do nivel medio baixo.

Todas estas medidas entrarán en vigor ás 00,00 horas do vindeiro luns, 26 de abril.

ARTIGOS RELACIONADOS

+ POPULAR

COMENTARIOS RECENTES