viernes, marzo 29, 2024
InicioComarcasLouriñaNa procura dos tesouros da avoa Euxenia

Na procura dos tesouros da avoa Euxenia

O Porriño idea un xogo para dinamizar a economía e activar o consumo nos establecementos comerciais e de hostalería da vila.

Interpreta as pistas e atopa os tesouros, estas son as dúas únicas instrucións do xogo «A Miña Avoa» que comeza o vindeiro sábado no Porriño.

Joaquín Rodríguez:

A iniciativa fundaméntase na avoa Euxenia, unha veciña da vila xa falecida, da cal o seu neto descubre a súa gran afección polas adiviñas. Así, dende o 10 de abril e ata o 9 de xuño, a cidadanía en xeral pode participar deste xogo cuxo obxectivo non é só potenciar o lecer e a cultura no municipio, senón que ten como finalidade principal a reactivación da economía local ao entregar como premios vales de 50 euros a gastar no comercio da vila.

Camila Moreira:

   

“Necesitamos que todos nos involucremos e así, unindo forzas de todas as partes, contribuiremos a dinamizar a economía da vila”, explicaba a concelleira de Festexos, Camila Moreira, durante o acto de presentación desta iniciativa novidosa ao que tamén asistiron o concelleiro de Comercio, Sergio Casal; representantes das asociacións de comerciantes (Acipor) e de hostaleiros (Ahospor) e Joaquín Rodríguez, representante da produtora que organiza o evento.
Son un total de 145 establecementos, entre comercio e sector da hostalería, os participantes na iniciativa. “Repartiranse anacos de xornais vellos polos diferentes establecementos participantes, nos cales irá agochada unha pista que nos indicará o lugar onde está o premio”, explicaba Rodríguez
Logo de atopar as pistas e interpretalas para dar cos tesouros agochados, a persoa participante deberá facer unha foto do lugar onde atopou o tesouro e enviala por WhatsApp ao número de teléfono 639 317 255

ARTIGOS RELACIONADOS

+ POPULAR

COMENTARIOS RECENTES