domingo, febrero 25, 2024
InicioNewsComarcasUn camioneiro catriplica a tasa de alcoholemia permitida en Mos

Un camioneiro catriplica a tasa de alcoholemia permitida en Mos

O condutor, un veciño de Cangas, foi denunciado administrativamente pola Garda Civil e deberá pagar unha multa de 1.000 euros.

A Garda Civil interceptou o pasado xoves a un camioneiro cunha tasa de alcoholemia catro veces superior á permitida. Os axentes do Destacamento de Tráfico de Porriño estaban efectuando un control de transportes no quilómetro 153 da N-550, en Mos, cando deron o alto a un vehículo articulado. O seu condutor, un varón de 63 anos, veciño de Cangas, foi requirido para realizar as probas de alcohol e drogas, arroxando un resultado positivo de alcoholemia cunha tasa de 0,58 mg/l en aire expirado, o que supón case catro veces superior ao máximo permitido para os condutores deste tipo de vehículos.

O camioneiro foi denunciado administrativamente por unha infracción moi grave, que supón a perda de seis puntos do seu permiso de conducir, así como unha sanción de 1.000 euros e tamén se lle inmobilizou o camión. 

ARTIGOS RELACIONADOS

+ POPULAR

COMENTARIOS RECENTES