martes, abril 23, 2024
InicioComarcasBaixo MiñoDisolven unha quedada ilegal de condutores temerarios en Oia

Disolven unha quedada ilegal de condutores temerarios en Oia

Varios dos conductores deron positivo nos controis de alcoholemia e drogas e incumprían as medidas sanitarias da COVID.

A Guarda Civil frustrou na tarde do pasado domingo unha quedada de condutores de vehículos a motor na estrada EP-3202, en Santa María de Oia. Os axentes do Destacamento de Tráfico do Porriño tiveron coñecemento do encontro a través de denuncias veciñais y das redes sociais, citados nas inmediación da casa forestal de A Valga. A maioría eran mozos, afeccionados ao mundo do motor, procedentes de localidades do Baixo Miño e do Val Miñor.

No momento da actuación, os axentes sorprenderon ao condutor dun turismo, un mozo de 27 anos de A Guarda, realizando unha condución temeraria, consistente na realización de derrapes a unha velocidade notoriamente superior á permitida, mentres que o resto de persoas concentradas na zona observaban os feitos. Este guardés, ao ser sometido á proba de alcohol e drogas arroxou un resultado positivo, pendente da confirmación por laboratorio.

Outro condutor, un mozo de 19 anos de O Rosal, tamén foi localizado instantes despois por outra patrulla mentres trazaba unha curva a alta velocidade invadindo o sentido contrario á circulación.

A Gardia Civil realizou varios controis simultáneos de verificación de persoas e vehículos. Neles, os axentes detectaron dúas infraccións por alcoholemia positiva, outras dúas por presencia de drogas no organismo e diversos incumprimentos das medidas sanitarias da COVID.

ARTIGOS RELACIONADOS

+ POPULAR

COMENTARIOS RECENTES