lunes, mayo 27, 2024
InicioComarcasBaixo MiñoComezan as obras da nova escola infantil da Guarda

Comezan as obras da nova escola infantil da Guarda

Logo de anos reclamando unha nova guardería, por fin comezan as obras desta nova infraestrutura que duplicará as prazas actuais para nenos de entre 0 e 3 anos.

A vindeira semana inícianse as obras da nova escola infantil do Concello da Guarda, que terá o seu emprazamento nas antigas vivendas de mestres e no comedor do antigo colexio Manuel Rodríguez Sinde.

A nova escola contará con 41 prazas distribuídas en tres unidades. O proxecto contempla a conservación de parte da fachada do edificio actual; na planta baixa localizarase a escola infantil cun patio para goce exclusivo dos usuarios, e o piso superior estará destinado a usos auxiliares

O obra adxudicouse a empresa Construcciones Ramírez S.L. por 691.746,99 euros, dos cales a Xunta de Galicia achega 410.000 euros e o concello da Guarda os 281.746,99 euros restantes. Para que esta actuación fora posible, ademais de anos de xestións e da importante contribución económica, o concello tivo que facerse cargo da redacción do proxecto e da dirección de obra.

O prazo para a execución da obra é de 14 meses, o remate da edificación está previsto para o primeiro semestre de 2022. Logo, a Xunta deberá financiar o equipamento necesario para por en funcionamento a escola, que estará xestionada a través da rede de escolas infantís Galiña Azul.

A Xunta farase cargo da contratación e custo do equipamento necesario para poñer en funcionamento a escola, así como da súa xestión a través da rede de escolas infantís Galiña Azul.

“A previsión é a de eliminar as listas de agarda e dar servizo a todas as familias que o necesiten. Esta actuación permitirá avanzar na conciliación da vida familiar e laboral e mellorar a calidade de vida das veciñas e veciños, sobre todo da xente máis nova. A súa vez forma parte das políticas de loita contra a crise demográfica que pretenden frear a diminución de poboación na localidade”, valora o alcalde, Antonio Lomba.

 

ARTIGOS RELACIONADOS

+ POPULAR

COMENTARIOS RECENTES