domingo, mayo 19, 2024
InicioO PaísPontevedraEstafan 5.600 euros co “timo do asfalto” a un gandeiro do Deza

Estafan 5.600 euros co “timo do asfalto” a un gandeiro do Deza

A Garda Civil concluíu desarticulando a un grupo criminal organizado a operación Anglo.

As investigacións iniciáronse cando un gandeiro denuncia no Posto Principal da Garda Civil de Lalín que dúas persoas estranxeiras, con acento inglés, propuxéronlle realizar traballos de asfaltado na súa parcela a un prezo moi por debaixo do mercado, esixíndolle o pago de 5.600 euros por adiantado. As obras comezaron inmediatamente e apenas dúas horas despois de que o gandeiro fixera efectivo o anticipo, os traballadores abandonaron de maneira precipitada a zona sen facer o traballo acordado.
Efectivos da área de Investigación do Posto Principal de Lalín identificaron aos principais responsables dos feitos denunciados, que foron localizados en Monforte de Lemos. Trátanse de tres cidadáns de nacionalidade irlandesa, romanesa e ecuatoriana que foron notificados en calidade de investigados como presuntos autores dos delitos de estafa e pertenza a grupo criminal e deberán comparecer, cando sexan requiridos ente o Xulgado de Instrución Número 1 de Lalín.
As investigacións continúan abertas para determinar a participación destas persoas outras estafas similares que se cometeron durante os últimos días noutras empresas de Santiago de Compostela, Teo, Mos, Porriño e Vigo.

Modus operandi

Neste tipo de estafa, unha ou varias persoas con moi boa aparencia de nacionalidade estranxeira ofrecen traballos de pavimentación moi económicos a empresas que poidan estar interesadas, aducindo que son sobrantes de obras ou estradas, ou ben que o asfalto está quente e se non se aproveita é necesario tiralo. Estas persoas trasládanse sempre en vehículos de alta gama, de aluguer ou con placas de matrículas estranxeiras.
Ofértase o traballo a un custo moi económico e se esixe un pago anticipado previo ao contrato, que nunca chegan a ultimar.
Ante calquera dúbida ou se se observa algunha conducta parecida, débese comunicar a través do teléfono 062 ou a calquera unidade da Garda Civil.

ARTIGOS RELACIONADOS

+ POPULAR

COMENTARIOS RECENTES