O Concello adquirirá dispositivos antiatragantamento para entregarllos ás tres escolas infantís e aos cinco centros de educación primaria municipais

Na escola infantil A Galiña Azul da Veigadaña presentouse hoxe unha campaña para concienciar á poboación e, sobre todo, á comunidade educativa da importancia dos atragantamentos, así como actuar ante eles e amosar o dispositivo como arma para evitalo escenario.

O doutor Felipe Durán Romero, acompañado da alcaldesa de Mos, Nidia Arévalo e as concelleiras de Servizos Sociais e Educación, Sara Cebreiro e Julia Loureiro, respectivamente, acudiron ao acto no que se anuncio que o Concello de Mos adquirirá dito dispositivo para dotar ás tres escolas infantís e aos cinco centros de educación primaria municipais.

Previamente, organizarase unha xornada informativa dirixida ao persoal que estes centros e as anpas designen para recibir a formación precisa para a súa utilización.