Valcárcel é rexedora do municipio dende as eleccións de 2019 e é a primeira alcaldesa da localidade.
Marta Valcárcel, economista de profesión, é a primeira alcaldesa do municipio e ten o bastón de mando de Salvaterra dende as eleccións de 2019. Forma parte da política local dende o ano 2007 e foi tenente de alcalde do popular Antonio Grandal. Levou a cabo proxectos anteriormente iniciados como a biblioteca municipal ou a primeira iniciativa turística transfronteiriza Río Miño destino navegable.
