O vicepresidente primeiro e ministro de Economía, Carlos Cuerpo, asumirá de forma transicioanl as competencias do Ministerio de Transportes de Mobilidade Sostible tras dimitir este martes o ministro Óscar Puente. Así o anunciou esta mañá o presidente do Goberno, Pedro Sánchez, tras a renuncia de Puente a raíz do accidente ferroviario de Urda, en Toledo.
O actual presidente, decidiu non nomear un novo ministro debido “á proximidade das eleccións do vindeiro 29 de novembro”, e sinalou que será o seu vicepresidente primeiro quen asumirá as competencias desta materia. A decisión farase efectiva este mesmo venres, tras a publicación dun decreto no Boletín Oficial do Estado.
Durante a declaración de Sánchez, agradeceu o traballo do exministro, e asegurou que renuncia “por empatía e dignididade”, afirmando que é unha decisión que acepta “con gratitude e respecto”.
Sobre Carlos Cuerpo aseverou que “demostrou unha enorme capacidade de xestión e talante“. “Fará un gran traballo e dará continuidade ás reformas iniciadas polo ministro Puente”, afirmou Pedro Sánchez.
