A Xunta adiantou e unificou totalmente o período de descanso da pesca do choco nas rías de Vigo, Pontevedra e Arousa biolóxico, que comezará simultaneamente o vindeiro luns, 20 de xullo, e prolongarase ata o 31 de outubro.
A decisión foi adoptada tras ser examinados os informes técnicos correspondentes, nos que se verifica que existe un incremento significativo de individuos xuvenís capturados a partir do mes de xuño con respecto a meses anteriores.
Ao tempo, eses mesmos informes recomendan limitar o emprego de diferentes artes de pesca nas zonas máis interiores das rías e a medida tómase unha vez consultado o sector na zona.
