O home de 70 anos acusado de asasinar a unha traballadora no Servizo de Axuda no Fogar no municipio pontevedrés do Porriño xa foi detido. Segundo explican desde a subdelegación do Goberno en Pontevedra, as forzas e corpos de seguridade do Estado trasladouno ao Hospital Álvaro Cunqueiro de Vigo para proceder a súa avaliación psiquiátrica.
A Garda Civil atopou ao home no domicilio familiar, localizado na parroquia de Atios, con manchas de sangue, desorientado e realizando manifestacións incoherentes. Tal e como indica o subdelegado do Goberno, Abel Losada, «a muller non aparecía no sistema de VioGén e non hai indicios que apunten á violencia de xénero como causa dos feitos.
A víctima, de 48 anos e veciña do Porriño aínda que natural do municipio de Mos, atendía á muller do septuaxenario. A usuaria padecía unha enfermidade que a tiña encamada. Foi durante o transcurso da súa xornada laboral cando, supostamente, o home procedeu a golpear á traballadora do SAF cun obxecto cortante. Todo apunta a que se trata dun machado.
