“A tecnoloxía pode ser unha aliada para mellorar a formación do alumnado”, sostén o conselleiro de Educación, Ciencia, Universidades e FP.
A reflexionar sobre esta oportunidade e abrir camiños dedícanse este martes expertos de toda España neste seminario organizado pola Xunta de Galicia en colaboración coa Organización de Estados Iberoamericanos para a educación, a ciencia e a cultura (OEI).
“Debemos aproveitar as oportunidades da intelixencia artificial na educación para impulsar a formación do alumnado e evitar, así, que se produza unha fenda dixital con respecto á propia actividade profesional”, apuntou Román Rodríguez.
