O porto de Vigo recibiu, na pasada noite, un novo buque portacontedores que viña con destino á cidade olívica e sufriu un desprazamento de carga durante a súa travesía á altura de Aveiro, en Portugal, debido á ondada. Durante o percance, perdeu varios contedores.
O buque, denominado María Francisca, combina o transporte de contedores co de carga xeral. Construido en 2004, ten 300 metros de eslora e unha manga de 28.
O buque foi atracado no peirao transversal e aseguran que «non supón ningún risco ambiental». Nos vindeiros días procederase á operativa de recolocación dos contedores, tarefa que podería durar semanas.
Dende a Autoridade Portuaria afirman que non está permitido o acceso á zona por cuestións de seguridade.
