A partir deste xoves e ata o 4 de febreiro, está aberto o período de reserva de praza para aqueles estudantes que pechan etapa no seu centro actual e pasan ao centro adscrito que lles corresponde.
Do mesmo xeito, será o vindeiro 1 de marzo, e ata o día 20 do mesmo mes, abrirá o prazo para solicitar unha praza escolar para os menores galegos. As datas serán as mesmas para aqueles que entren por vez primeira no sistema educativo ou para os que desexen cambiar de centro, sempre, neste último caso, que existan prazas dispoñibles.
Tras o peche deste período, a Consellería de Educación publicará os listados provisionais de admitidos e excluídos o día 24 de abril, sendo publicadas as listas definitivas o 15 de maio. Así, os prazos de formalización de matrícula serán do 20 ao 30 de xuño para o alumnado de Infantil e Primaria e do 23 de xuño ao 7 de xullo para os da ESO e Bacharelato.
