A Guardia Civil do Porriño detivo a un veciño da localidade, de 50 anos e con antecedentes por feitos similares, como presunto autor dun delito de violencia de xénero con resultado de lesións graves, tras unha agresión ocorrida o pasado 31 de decembro.
A vítima presentouse nas dependencias da Garda Civil con feridas provocadas por arma branca e outros obxectos, polo que foi trasladada de urxencia a un centro hospitalario, onde permanece ingresada na UCI. Tras a investigación e un rexistro autorizado xudicialmente, os axentes recuperaron o coitelo empregado e outros efectos, e o detido ingresou en prisión por orde xudicial.
