A Xunta de Galicia intermediará no conflicto laboral entre as traballadoras do Servizo de Axuda no Fogar do Concello de Ponteareas, que acumulan case un mes de folga indefinida, e a empresa concesionaria, Óbolo. Así o vén de comunicar o concelleiro de Facenda, Francisco Jesús Represas, quen lideraba as negociacións coa plantilla.
Represas explica que “a petición do sindicato CIG, terá lugar unha reunión entre Óbolo e os representantes dos traballadores” e que nesa xuntanza actuará de intermediario o servizo xurídico de resolución de conflictos do departamente de relacións laborais da Xunta de Galicia. Será este martes 21 a partir das 10:00 horas.
A seguinte reunión que manterán as traballadoras do SAF de Ponteareas será o mércores 22 a partir das 19:00 co goberno municipal nas instalacións do Concello, segundo detalla nun vídeo difundido a través das redes sociais da adminsitración local.
Servizos mínimos
En canto á resolución da xustiza sobre os servizos mínimos do SAF en Ponteareas, o concelleiro Francisco Represas di que “como non podía ser doutro xeito, aceptamos a decisión” e avanza que ábrese a porta a que se incremente o tempo dedicado a cada usuario e usuaria ao “eliminarse os 45 minutos estándar estipulado para cada un deles”. Indica que podería chegar, incluso, á 1 hora e 30 minutos e que será a empresa concesionaria a que realice o estudo individualizado.
E é que o Xulgado do Contencioso-Administrativo número 3 de Pontevedra deu, parcialmente, a razón as traballadoras da empresa Óbolo, concesionaria do Servizo de Axuda no Fogar , ao anular dous dos puntos máis polémicos dos servizos mínimos fixados polo Concello de Ponteareas. Trátase da obriga de prestar 45 minutos por persoa usuaria e a exixencia de que sexan as propias persoas en folga quen os cubran. A xuíza entende que estas medidas poderían vulnerar o seu dereito fundamental
