«XoGal» é o nome da actividade que converterá a dez municipios galegos nun xogo de escape ao aire libre e gratuito. Trátase dunha iniciativa que pon en marcha os Grupos de Desenvolvemento Rural de Terra Chá, Montes e Vales Orientais así como o de Terras de Miranda e Seitura 22 xunto coa empresa da Guarda, Skeirrum. A proba terá lugar ao longo do mes de setembro e de outubro.
Segundo indican desde a empresa guardesa, trátase dun ciclo de escape rooms ao aire libre que propón explorar Galicia «dun xeito diferente«. A través de xogos, as persoas que participan descobren o patrimonio ao tempo que «desfrutan do rural».
Serán un total de dez municipios os que forman parte desta primeira edición que ten como obxectivo que os veciños e as veciñas así como as persoas visitantes poidan coñecer a historia de Galicia, a súa cultura e a paisaxe «dun xeito participativo e divertido«.
Os dez municipios galegos
Os municipios que van a participar en XoGal, o escape room gratuito e ao aire libre, pertencen á provincia de Lugo e da Coruña. Trátase das localidades de Vilalba, Abadín, navia, Pedrafita do Cebreiro, Mondoñedo, Ribadeo e Viveiro. Na parte coruñesa, forman parte do proxecto os concello de Pontedeume, Ortugueira e Neda.
Calendario de xogos
- 28 de agosto en Vilalaba con «cabaleiros, revolta e túneles ocultos«
- 5 de setembro en Pontedeume con «Pontedeume Viva«
- 19 de setembro en Neda con «Tesouros de Neda«
- 20 de setembro en Mondoñedo con «As Chaves da Historia«
- 27 de setembro en Ribadeo con «Ribadeo Ilustrado«
- 4 de outubro en Viveiro con «As Portas de Viveiro«
- 10 de outubro en Navia con «A Lenda da Deusa Navia«
- 11 de outubro en Ortigueira con «Ritmos de Ortigueira«
- 19 de outubro en Pedrafita con «A Luz Vermella no Monte«
- 25 de ouutbro en Abadín con «Feira dos Santos de Gontán«
Como participar?
As persoas que desexen participar poden facelo a través dunha inscrición previa e gratuita a través da web de Skeirrum. Non hai límite de idade, pero as e os menores de 12 anos deberán ir acompañados. Ademais, haberá premios para as persoas máis rápidas en completar escape room.
Segundo indican desde a organización, a actividade funciona a través de códigos QR que se localizan nas oficinas de turismo dos dez concellos que participan en XoGal.
